શું રામચરિતમાનસ રાષ્ટ્રીય ગ્રંથ બનવવામાં આવ્યો છે? જાણો શું છે સત્ય

Claim

સોશિયલ મીડિયા પર એવો દાવો કરવામાં આવી રહ્યો છે કે રામચરિતમાનસ રાષ્ટ્રીય ગ્રંથ બની જશે અને તેની નિંદા કરવા પર રાષ્ટ્રીય સુરક્ષા કાયદા હેઠળ કાર્યવાહી કરવામાં આવશે.

Fact Check / Verification

રામચરિતમાનસને રાષ્ટ્રીય ધર્મગ્રંથ બનવવાના નામે શેર કરવામાં આવી રહેલા દાવાની તપાસ કરવા અને તેની નિંદા માટે રાષ્ટ્રીય સુરક્ષા અધિનિયમ હેઠળ કાર્યવાહી રાજદ્રોહનો આરોપ મૂકવામાં આવશે જેવા દાવા અંગે કીવર્ડ સર્ચ કરતા ઘણા મીડિયા અહેવાલો મળ્યા, જેમાં એવી માહિતી આપવામાં આવી છે કે આ નિવેદન ચિત્રકૂટ સ્થિત તુલસી પીઠાધીશ્વર ‘પદ્મવિભૂષણ’ રામભદ્રાચાર્ય દ્વારા આપવામાં આવ્યું છે. તમને જણાવી દઈએ કે આમાંથી કોઈ પણ મીડિયા રિપોર્ટમાં સરકાર દ્વારા આવી કોઈ સત્તાવાર જાહેરાત કે વિચારણા અંગે કોઈ માહિતી આપવામાં આવી નથી.

ન્યૂઝ18 અને હિન્દુસ્તાન ટાઈમ્સ દ્વારા 4 નવેમ્બર 2023ના રોજ પ્રકાશિત થયેલા અહેવાલો પ્રાપ્ત થયા, જેમાં માહિતી આપવામાં આવી છે કે બિહાર સરકાર દ્વારા પટનામાં રામકથાની મંજૂરી ન મળવાથી નારાજ રામભદ્રાચાર્યએ બગાહામાં કથા વાંચન દરમિયાન દાવો કર્યો હતો કે રામચરિતમાનસ ટૂંક સમયમાં રાષ્ટ્રીય શાસ્ત્ર બની જશે, અને જે કોઈ તેની નિંદા કરશે તેના પર દેશદ્રોહના કેસ કરવામાં આવશે.

આ અંગે અમે પીઆઈબીની સત્તાવાર વેબસાઈટ પર ‘રામચરિતમાનસ’ કીવર્ડ સર્ચ કર્યું. આ પ્રક્રિયામાં, અમને જાણવા મળ્યું કે PIB દ્વારા ‘રામચરિતમાનસ’ કીવર્ડ સાથે ઘણા લેખો પ્રકાશિત કરવામાં આવ્યા છે, જો કે, આમાંથી કોઈ પણ લેખમાં સરકારે રામચરિતમાનસને રાષ્ટ્રીય ગ્રંથ તરીકે જાહેર કરવાનો અથવા આવી કોઈ યોજના અંગે વિચારણા કરવામાં આવી હોવાનો કોઈ ઉલ્લેખ નથી.

Conclusion

અમારી તપાસમાં એ સ્પષ્ટ થાય છે કે રામચરિતમાનસને રાષ્ટ્રીય ધર્મગ્રંથ બનવાનો દાવો અને રાષ્ટ્રીય સુરક્ષા કાયદા હેઠળ તેની નિંદા સામે કાર્યવાહી કરવામાં આવી રહી છે તે ભ્રામક છે. વાસ્તવમાં, બિહાર સરકાર તરફથી પટનામાં રામકથાની મંજૂરી ન મળવાથી નારાજ રામભદ્રાચાર્યએ બગાહામાં કથા વાંચન દરમિયાન આ નિવેદન આપ્યું હતું, પરંતુ સરકાર દ્વારા સત્તાવાર રીતે આવી કોઈ જાહેરાત કરવામાં આવી નથી.

Result : Missing Context

Our Source
Google search
PIB website

આ પણ વાંચો : શું પીએમ મોદી ગરબે રમી રહ્યા છે? જાણો વાયરલ વિડીયોનું સત્ય

કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044