பாகிஸ்தானுக்கு சென்று பேட்டியெடுத்த யூடியூபர் மதன் கெளரி என்று பரவும் வீடியோ தகவல் உண்மையா?

பாகிஸ்தானுக்கு சென்று பேட்டியெடுத்த யூடியூபர் மதன் கெளரி என்பதாக வீடியோ ஒன்று சமூக வலைத்தளங்களில் பரவி வருகிறது.

”5 வருடம் முன்பு பாகிஸ்தான் சென்று அங்கே இருக்கும் இந்துக்கள் Safe எனவும் தீவிரவாத தாக்குதல்களை Whitewash செய்த முதல் யூடியூபர் தான் இந்த கேடுகெட்ட
@madan3” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: பாகிஸ்தான் கிரானா மலை மீது இந்தியா நடத்திய தாக்குதல் என்று பரவும் வீடியோ உண்மையா?

Fact Check/Verification

பாகிஸ்தானுக்கு சென்று பேட்டியெடுத்த யூடியூபர் மதன் கெளரி என்று பரவும் வீடியோ தகவல் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவை மதன் கெளரி எப்பொழுது, எங்கு எடுத்துள்ளார் என்று ஆராய்ந்தபோது அது கடந்த 2019ஆம் ஆண்டு நேபாளில் எடுக்கப்பட்டது என்றும், அங்குள்ள பாகிஸ்தானிய மக்களிடம் “What Pakistan Thinks about South India” என்கிற தலைப்பில் இந்த வீடியோ பகிரப்பட்டிருப்பதையும் காண முடிந்தது.

மேலும், சமீபத்தில் அவர் வெளியிட்டுள்ள வீடியோவிலும் தன்னுடைய நேபாள வீடியோவைத் திரித்து அதிலுள்ள சில பகுதிகளை மட்டும் எடுத்து அவர் பாகிஸ்தானுக்கு சென்றதாக தவறான நோக்கில் பரப்பி வருகின்றனர் என்றும் விளக்கமளித்துள்ளார் என்பது குறிப்பிடத்தக்கது.

Also Read: மணிப்பூரில் ஆயுதங்களும், பணங்களும் இந்திய ராணுவத்தால் கைப்பற்றப்பட்டதாக பரவும் வீடியோ உண்மையானதா?

Conclusion

பாகிஸ்தானுக்கு சென்று பேட்டியெடுத்த யூடியூபர் மதன் கெளரி என்று பரவும் வீடியோ தகவல் தவறானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
YouTube Video From, Madan Gowri, Dated August 14, 2019
YouTube Video From, Madan Gowri, Dated May 18, 2025