இந்துக் கடவுளான ஹனுமானுக்கு தீபாராதனை காட்டும் அசாதுதீன் ஓவைசி என்று பரவும் வீடியோ உண்மையா?

இந்துக் கடவுளான ஹனுமானுக்கு தீபாராதனை காட்டும் அசாதுதீன் ஓவைசி என்று வீடியோ ஒன்று சமூக வலைத்தளங்களில் பரவி வருகிறது.

”இன்டா நடக்குது இந்தியாவுல இந்துக்கள் ஓட்டுக்காக ஓவைசி” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக வலைத்தளங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: தீர்த்தவாரி நிகழ்ச்சி செய்யக்கூடாது என்று தடுத்த காவலரை கோவில் யானை தூக்கி எறிந்ததா?

Fact Check/Verification

இந்துக் கடவுளான ஹனுமானுக்கு தீபாராதனை காட்டும் அசாதுதீன் ஓவைசி என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

சமீபத்தில் ஓவைசி இந்து கோயில்களுக்கு சென்றுள்ளாரா என்பது குறித்து ஆராய்ந்தபோது அவ்வாறு எந்த செய்தியும் வெளியாகியிருக்கவில்லை.

எனவே, வைரலாகும் வீடியோவை ஆராய்ந்தபோது அதில் பல்வேறு குறைபாடுகளைக் கண்டறிய முடிந்தது. முக உணர்வுகளில் மாற்றமின்மை, ஆரத்தி கோணங்கள் மாறாத நிலை, ஹனுமான் மந்திர் என்று எழுதியிருப்பதற்கு பதிலாக பின்னணியில் ஹனுமான் மேடர் என்று தவறாக எழுதியிருப்பது போன்றவை இடம்பெற்றிருந்தன.

தொடர்ந்து, வைரல் வீடியோவில் Gemini AI லோகோ இடம்பெற்றிருப்பதையும் நாம் கண்டறிந்தோம். Gemini Chatbot மூலமாக இந்த வீடியோ Geminiயில் உருவாக்கப்பட்டது என்பதையும் அறிந்து கொண்டோம்.

எனவே, இந்த வீடியோவை செயற்கை நுண்ணறிவு காட்சிகளைக் கண்டறியும் Hive moderation tool மற்றும் Wasitai மூலமாக ஆராய்ந்தபோது வைரலாகும் இந்த வீடியோ AI மூலமாக உருவாக்கப்பட்டது என்பது நமக்கு உறுதியாகியது.

Also Read: திமுக அரசு கோவிலை இடித்ததாக பரவும் வீடியோவின் உண்மை என்ன?

Conclusion

இந்துக் கடவுளான ஹனுமானுக்கு தீபாராதனை காட்டும் அசாதுதீன் ஓவைசி என்று பரவும் வீடியோ AI மூலமாக உருவாக்கப்பட்டதாகும்.  

இந்த உண்மையானது நமக்குக் கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Gemini AI chatbot verification 
Was It AI detection tool
Hive Moderation tool