Fact Check – ઓપરેશન સિંદુરના હવાઇ હુમલા માટે ઉડતા ફાઇટર જેટ હોવાનો દાવો કરતો આ વીડિયો AI જનરેટેડ છે

સોશિયલ મીડિયામાં એક વીડિયો વાઇરલ થયો છે. જેમાં ફાઇટર જેટ હવામાં ઉડી રહ્યા છે. તેમાં ઘણા ફાઇટર જેટ ઉડતા દેખાય છે. આ વીડિયોને તાજેતરના ઓપરેશન સિંદુર સાથે જોડીને શેર કરાયો છે. તેમાં કહેવાયું છે કે, ઓપરેશન સિંદુરની એર સ્ટ્રાઇકનો વીડિયો છે.

વીડિયોમાં ફાઇટર જેટનો આખો કાફલો છે. જે ઉડી રહ્યો છે. 10 સેકન્ડ લાંબી વીડિયો ક્લિપમાં ગ્રે કલરના ફાઇટર જેટ દેખાય છે. કૅપ્શનમાં લખ્યું છે કે, “ઓપરેશન સિંદુરની એર સ્ટ્રાઇક”.

સોશિયલ મીડિયા પોસ્ટનું આર્કાઇવ વર્ઝન અહીં અને અહીં જુઓ.

Fact Check/Verification

વાઇરલ વીડિયોની તપાસ માટે સૌપ્રથમ અમે ભારત સરકાર દ્વારા વખતોવખત કરવામાં આવેલી વિદેશ મંત્રાલય અને મિલિટરી ઓપરેશનની પ્રેસ બ્રિફિંગ ચકાસી. તેમાં જે વીડિયો ક્લિપ અને તસવીરો શેર કરવામાં આવી છે, તેમાં આ પ્રકારનો કોઈ વીડિયો સામેલ નથી.

વળી, જે પ્રકારે વીડિયોનું ટેક્સ્ચર અને ક્વૉલિટી છે, તે તેના વિઝ્યુઅલ પર શંકા ઉપજાવે છે. આથી અમે વીડિયોના કીફ્રેમ્સને એઆઈ ટૂલની મદદથી ચકાસ્યા. અમે વીડિયોના દરેક કીફ્રમેમ્સને એઆઈ ડિટેક્શન ટૂલ થકી ચકાસ્યા.

જેમાં AI ડિટેક્શન ટૂલ Authenta દ્વારા અમે કીફ્રેમ્સને સ્કૅન કરી ચકાસ્યા. આ ચકાસણીમાં અમને પરિણામ મળ્યું કે, ખરેખર તે એઆઈ જનરેટેડ છે. તેમાં પરિણામ દર્શાવ્યું કે, 100 ટકા તે એઆઈ જનરેટેડ છે.

વધુમાં AI ડિટેક્શન ટૂલ wasitai દ્વારા પણ અમે કીફ્રેમ્સને સ્કૅન કરી ચકાસ્યા. આ ચકાસણીમાં પરિણામ જોવા મળ્યું કે, તે એઆઈ દ્વારા તૈયાર થયેલ છે.

ઉપરોક્ત પરિણામો દર્શાવે છે કે, વીડિયોના દૃશ્યો ખરેખર AI દ્વારા તૈયાર થયેલ છે.

Read Also: Fact Check – શું ગુજરાતના મોરબીમાં ‘પાકિસ્તાન મુર્દાબાદ’ લખેલી ટાઇલ્સો બનાવાઈ રહી છે?

Conclusion

આથી અમારી તપાસમાં સ્પષ્ટ થાય છે કે, ફાઇટર જેટનો કાફલો હવામાં ઉડતો દેખાય છે, તે ઉપરોક્ત વાઇરલ વીડિયો ખરેખર એઆઈ દ્વારા તૈયાર થયેલ છે. તે સાચો વાસ્તવિક વીડિયો નથી.

Sources
Authenta AI Detection Tool
Wasitai AI Detection Tool