Weekly Wrap: દેશના પહેલા વાઇલ્ડલાઇફ ઓવરપાસ, ટુ વ્હિલર ટોલ ટેક્સ, બિહાર ચૂંટણી સહિતની સપ્તાહની ટોપ ફેક્ટ ચેક

દિલ્હી-મુંબઈ એક્સપ્રેસ વેનો સુરત સ્ટ્રેચ ચાલુ કરવામાં આવતા એક્સપ્રેસ વે મામલે એક દાવો વાઇરલ થયો હતો. જેમાં એક તસવીર શેર કરી કહેવામાં આવ્યું હતું કે, તે દેશના પહેલા વાઇલ્ડલાઇફ ઓવરપાસ કોરિડોરની છે. જોકે, અમારી તપાસમાં તે સિંગાપોરની તસવીર નીકળી. વધુમાં, વોડદરાના ગંભીરા બ્રિજ દુર્ઘટના બાદ રોડ અને પુલો મામલે ચર્ચા જાગી. દરમિયાન, દેશમાં ટુ વ્હિલરને પણ ટોલ ટેક્સ ચૂકવવાનો દાવો વાઇરલ થયો. જોકે, તપાસમાં તે દાવો ખોટો પુરવાર થયો. વાંચો સપ્તાહની ટોપ ફેક્ટ ચેક.

શું આ ફોટો દિલ્હી-મુંબઈ એક્સપ્રેસ વે પર દેશના પ્રથમ વાઈલ્ડલાઈફ ઓવરપાસ કોરિડોરનો છે?

દિલ્હી-મુંબઈ એક્સપ્રેસ હાઈવે પર બનાવવામાં આવેલા વાઈલ્ડલાઈફ ઓવરપાસ કોરિડોરનો ફોટો વાઇરલ થયો હતો. તેમાં દાવો કરાયો કે, તે દેશનો પહેલો એનિમલ ઓવરપાસ કોરિડોર છે. પણ તે સિંગાપોરના ઇકો બ્રિજની તસવીર હતી. અહેવાલ વધુ વાંચવા અહીં ક્લિક કરો.

હવે ટુ વ્હિલર ચાલકોએ પણ ટોલ ભરવો પડશે? શું છે વાયરલ થઈ રહેલા મેસેજનું સત્ય

કેન્દ્ર સરકાર 15 જુલાઈ, 2025થી ટુ વ્હિલર ચાલકો પાસેથી પણ ટોલ ટેક્સ વસુલવાનો નિર્ણય લેવાની તૈયારીમાં હોવાનો મૅસેજ વાઇરલ થયો હતો. પરંતુ તપાસમાં તે દાવો ખોટો નીકળ્યો. અહેવાલ વધુ વાંચવા અહીં ક્લિક કરો.

બિહારમાં વિતરણ કરાયેલા સેનિટરી નેપકિન પર રાહુલ ગાંધીનો ફોટો? શું છે સત્ય

બિહારમાં કોંગ્રેસ દ્વારા વહેંચવામાં આવતા સેનિટરી નેપકિન પર રાહુલ ગાંધીનો ફોટો ચોંટાડવામાં આવ્યાનો વીડિયો વાઇરલ થયો હતો. જોકે, તપાસ કરતા જાણવા મળ્યું કે, તે એક કૉમેડિયન દ્વારા કરવામાં આવેલ કાર્ય હતું. અહેવાલ વધુ વાંચવા અહીં ક્લિક કરો.

2024ની ફિલ્મના BTS ફૂટેજને ઈરાન દ્વારા મોસાદના જાસૂસોને ફાંસી અપાયાના વીડિયો તરીકે શેર કરાયા

ઈરાને મોસાદના જાસૂસને ફાંસી આપ્યાનો વીડિયો વાઇરલ જોવા મળ્યો. પણ દાવો ખોટો નીકળ્યો. તે વિડિયો 2024ની ઈરાની ફિલ્મનો BTS (બિહાઇંડ ધી સીન)ના ફૂટેજ હોવાનું જાણવા મળ્યું. અહેવાલ વધુ વાંચવા અહીં ક્લિક કરો.

7 જુલાઈ જાહેર રજા હોવાના વાઇરલ મૅસેજનું ખરેખર શું છે સત્ય?

7 જુલાઈને સરકાર દ્વારા જાહેર રજા છે. સ્કૂલ-કૉલેજો સહિત તમામ બંધ રહેશે. આરામ માટે સરકારે રજા જાહેર કરી હોવાના વાઇરલ મૅસેજ જોવા મળ્યો. તે દાવો પણ ખોટો હતો. સરકારે આવી કોઈ રજા જાહેર કરેલ નહોતી. અહેવાલ વધુ વાંચવા અહીં ક્લિક કરો.