அமைச்சர் நேருவின் மகன் நிர்மலா சீதாராமனின் காலில் விழுந்தாரா?

நகராட்சி நிர்வாகத்துறை அமைச்சர் நேருவின் மகனும், பெரம்பலூர் எம்.பி.யுமான அருண் நேரு ஒன்றிய அமைச்சர் நிர்மலா சீதாராமனின் காலில் விழுந்ததாக தகவல் ஒன்று சமூக ஊடகங்களில் பரவி வருகின்றது.

Post Link

Post Link

Post Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: திமுக அரசு கோவிலை இடித்ததாக பரவும் வீடியோவின் உண்மை என்ன?

Fact Check/Verification

நகராட்சி நிர்வாகத்துறை அமைச்சர் நேருவின் மகனும், பெரம்லூர் எம்.பி.யுமான அருண் நேரு ஒன்றிய அமைச்சர் நிர்மலா சீதாராமனின் காலில் விழுந்ததாக தகவல் ஒன்று சமூக ஊடகங்களில் பரவி வருகின்றது.

அமைச்சர் நேருவின் மகன் நிர்மலா சீதாராமனின் காலில் விழுந்ததாக பரவும் படங்களில் நிர்மலா சீதாராமனின் முகம் மாறுபட்டு இருப்பதை காண முடிந்தது.

இதனையடுத்து தேடுகையில் வேலூர் அஇஅதிமுக ஐடி விங்கின் மாவட்ட துணை செயலாளர் வினோத்குமார் கோவிந்தசாமி என்பவர் நிர்மலா சீதாராமன் காலில் அருண் நேரு விழுந்ததாக வீடியோ வெளியிட்டிருப்பதை காண முடிந்தது.

இவ்வீடியோவின் காட்சிகளை வைத்தே வைராலாகும் தகவல் பரப்பப்படுகின்றது. ஆனால் அவ்வீடியோவின் கீழ் ‘Create your own with Grok’ எனும் வாசகம் இடம்பெற்றிருப்பதை காண முடிருந்தது.

ஆகவே அவ்வீடியோ செயற்கை நுண்ணறிவு மூலம் உருவாக்கப்பட்டிருக்கலாம் எனும் சந்தேகம் நமக்கு ஏற்பட்டது.

அதை தெளிவு செய்ய Sightengine, WasitAi உள்ளிட்ட செயற்கை நுண்ணறிவை கண்டறிய உதவும் இணைய கருவிகளை பயன்படுத்தி வைரலாகும் வீடியோவை பரிசோதித்தோம்.

அச்சோதனையில் வைரலாகும் வீடியோ செயற்கை நுண்ணறிவு மூலம் உருவாக்கப்பட்ட வீடியோ என உறுதியானது.ண்ணறிவு மூலம் உருவாக்கப்பட்ட வீடியோ என உறுதியானது.

தொடர்ந்து தேடுகையில் ஒன்றிய அரசின் PIB Fact Check எக்ஸ் பக்கத்திலும் இவ்வீடியோ செயற்கை நுண்ணறிவு மூலம் உருவாக்கப்பட்ட வீடியோ என பதிவிடப்பட்டிருப்பதை காண முடிந்தது.

கிடைத்த ஆதாரங்களின்படி பார்க்கையில் அருண் நேரு நிர்மலா சீதாராமனின் காலில் விழுந்ததாக பரவும்  தகவல் தவறானது என தெளிவாகின்றது.

Also Read: சிக்கந்தர் தர்காவில் சமீபத்தில் கூடிய கூட்டம் என்பதாகப் பரவும் புகைப்படம் உண்மையா?

Conclusion

அமைச்சர் நேருவின் மகன் நிர்மலா சீதாராமனின் காலில் விழுந்ததாக பரவும் தகவல் தவறானதாகும். இவ்வீடியோ செயற்கை நுண்ணறிவு மூலம் உருவாக்கப்பட்ட போலியான வீடியோவை வைத்து இத்தகவல் பரப்பப்படுகின்றது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Self Analysis
Hive Moderation
Sightengine
X post by PIB Fact Check, dated December 10, 2025